ADIL MAJEED

വീഡിയോ കാണാൻ https://youtu.be/xgd8r51HUR8

കബന്ധങ്ങളൊഴുകുന്ന നീർചാലുകൾക്ക് മുന്നിൽ മൂകരായി നിന്നവർ കർണപുടങ്ങളിൽ അലതല്ലും അട്ടഹാസങ്ങളൊക്കെയും നിർവികാരമായി തളളിയവർ കിതച്ചു കൊണ്ടോടുന്നു... തൊപ്പിയും  കാഷായ വസ്ത്രവും മതചിഹ്നങ്ങളൊക്കെയും കേമമായി ധരിച്ചവർ പ്രാർത്ഥനാ ഗീതങ്ങൾ ആരാധനാലയങ്ങളിൽ  മുഴങ്ങി അഴുക്കുചാലുകൾ മർത്ത്യന്റെ ഹൃദയത്തെ പിളർത്തി ബുദ്ധനും രാമനും നബി തിരുമേനിയും യേശുവും തേങ്ങുന്ന കാഴ്ചകളാണ് എവിടെയും ബുദ്ധൻ ബർമയിൽ പിടഞു മരിക്കുന്നു ബുദ്ധ സന്യാസികൾ നൃത്തം ചവിട്ടുന്നു. അഹിംസയുടെ യജ്ഞങ്ങൾ വേദങ്ങളിലൊളിപ്പിച്ച്  ഹിംസയുടെ പടവാളു തിരയുന്നു യേശുവിൻ സമാധാനമന്ത്രങ്ങൾ  കാറ്റിൽ പറത്തി അശാന്തി വിതക്കാൻ ശ്രമിക്കുന്നു. രമ്യതയരുളിയ രാമനെ പുറംതള്ളി ക്ഷേത്രം പടുത്തുയർത്തുമ്പോൾ അശാന്തി കുടിയേറുന്നു... രാമൻ പടിയിറങ്ങുന്നു.. കരുണാവാൻ നബി തെരുവിൽ ക്രൂശിക്കപ്പെടുമ്പോൾ ഐ.എസും, അൽ ക്വയ്ദയും താലിബാനും ആ നെഞ്ചിലേക്കു വെടിയുതിർക്കുന്നു. വേദനയോടെ അവർ  ഒരുമിച്ചു മൊഴിഞു ലോകമെ കേൾക്ക, ഞങ്ങൾ നിരപരാധികൾ അപരാധികൾ അവർ അനുയായികൾ

        എഴുതാൻ ഞാൻ പേനെയെടുത്തു പിന്നെ വേണ്ടെന്ന് വെച്ചു. റോഹിങ്ക്യൻ മുസ്ലിമീങ്ങൾക്ക് വേണ്ടി എഫ്.ബിയിൽ ഒരു സ്റ്റാറ്റസെങ്കിലും ഇടണമെന്ന് വിചാരിച്ചതാ പക്ഷേ ചെയ്തില്ല. എന്റെ സുഹൃത്തുക്കൾ അവരെന്തു കരുതും ഞാനും ഒരു തീവ്രവാദിയാണെന്ന് അവർ കരുതിയാലോ.....?    സുഹൃത്തുക്കൾക്കിടയിൽ തീവ്രവാദത്തെക്കുറിച്ചും ഭീകരവാദത്തെക്കുറിച്ചും  ചർച്ചകൾ വെരാറുണ്ട്. ഐ.എസും, അൽ ക്വയ്ദയും ഇടക്കിടെ പറഞ്ഞ് കേൾക്കാറുമുണ്ട്. ഇത്തരം സംഘങ്ങൾക്ക് ഇസ്ലാമുമായി കുലബന്ധം പോലുമില്ലന്ന് പറയണമെന്നുണ്ടായിരുന്നു. പക്ഷേ ഞാൻ പറയാൻ നിന്നില്ല.   ബാഗ്ദാദി  എന്നെപ്പോലെ താടിയുള്ളവനാണെന്ന് ആരോ പറഞ്ഞപ്പോൾ ഞാൻ മടിച്ച് നിന്നില്ല സുഹൃത്തുക്കളുടെ ക്ലീൻ ഷീറ്റിനായി മുഖം വടിച്ച് ദർപ്പണമാക്കി. എന്റെ വസ്ത്രത്തിലേക്ക് അവരുടെ നേത്രങ്ങൾ  ചൂഴ്ന്നിറങ്ങിയപ്പോൾ മെല്ലെ മെല്ലെ വസ്ത്രമിറക്കി ഞാനും 'മോഡേണായി'. ഇസ് ലാമിക പ്രബോധകരേയും പണ്ഡിതരേയും തുറങ്കിലടച്ചപ്പോൾ അവർ ഞമ്മളെ ആളെല്ലന്ന് പറഞ്ഞ് പൊടിതട്ടി രക്ഷപ്പെട്ടു. അല്ലെങ്കിലും ഈ കാലത്ത് ഇങ്ങിനെയൊക്കെ പ്രബോധനം  ചെയ്യാണോ അവനവന്റെ നിസ്ക്ക...

  ആ ർ.സി.യു.പി  സ്ക്കൂൾ, ചെന്ത്രാപ്പിന്നി ഹയർ സെക്കണ്ടറി സ്ക്കൂൾ, ജാമിഅ സലഫിയ്യ പുളിക്കൽ ഇവയാണ് എന്റെ കലാലയ ജീവിതം സംഭവബഹുലമാക്കിയ കലാലയങ്ങൾ.    രണ്ട് പതിറ്റാണ്ടുകളിലായി ഈ കലാലയങ്ങളിലൂടെ അറിവ് പകർന്ന എത്രയോ ഗുരുവര്യൻമാർ.....  ഒ.വി വിജയന്റെ ഭാഷയിൽ പറഞ്ഞാൽ 'ഗുരുസാഗരങ്ങൾ' തന്നെയാണവർ.  യഥാർത്ഥത്തിൽ സ്ക്കൂളിൽ ബഞ്ചിലിരുത്തി പഠിപ്പിച്ചവർ മാത്രമല്ല പുസ്തകത്താളുകളിലൂടെയും പ്രഭാഷണങ്ങളിലൂടെയും അത്മബന്ധ സ്ഥാപിച്ച എത്രയോ എഴുത്തുകാരുണ്ട് അവരും എന്റെ അദ്ധ്യാപകരാണ്. അങ്ങനെ സുകുമാർ അഴീക്കോട് മാഷും, ഒ.എൻ.വി യും, എം.ടിയും, ബശീറും, റഫീക് അഹമ്മദും എംഎം അക്ബറും എന്റെ അദ്ധ്യാപകരായിത്തീർന്നു. നഴ്സറി സ്കൂൾ സ്കൂളിൽ പോകാൻ പ്രാപ്തനാക്കിയത് നഴ്സറിയാണ്. ആദ്യമായി നല്ലപാഠം പകർന്നതും നഴ്സറി തന്നെ. കുസൃതിക്കുരുന്നുകളെ അടക്കിയിരുത്താൻ എത്രമാത്രം പ്രയാസം ടീച്ചർ സഹിച്ചുവെന്നറിയുന്നത് ഒന്നാം ക്ലാസിൽ പഠിപ്പിക്കേണ്ടി വന്നപ്പോഴാണ്. യഥാർത്ഥത്തിൽ നാം ഏറ്റവും അധികം ആദരിക്കേണ്ടവർ നഴ്സറി, എൽ.പി അദ്ധ്യാ പകരെയാണ് എന്നാൽ സമൂഹം രണ്ടാം തരക്കാരായാണ് ഇവരെ കാണുന്നത് ആർ.സി.യു.പി  സ്ക്കൂൾ ...