ഓഖി
ശാന്തമീ തീരത്ത് വന്നവൾ അലമാല തീർത്ത് കൊണ്ട് അസ്തമയ സൂര്യനും മങ്ങലേറ്റു.. ചക്രവാള സീമക്കു വിള്ളലേറ്റു കടൽ കറുത്തു മുഖം വിളർത്തു പലതും ഞെട്ടലോടെ അറ്റുപോയി കടൽ ഞണ്ടു മുമ്പേ അറിഞിരുന്നു കടൽ കാക്ക മുമ്പേ കടന്നിരുന്നു പറവകൾ മുമ്പേ പറന്നിരുന്നു മീനുകളെങ്ങോ മറഞ്ഞിരുന്നു പാവം അവൻ മാത്രം ഒന്നും അറിഞ്ഞതേയില്ല അവനോട് മാത്രംമാരും പറഞുമില്ല കുടിലിറങ്ങുമ്പോൾ അറിഞ്ഞില്ല ഒടുക്കത്തെ ഇറക്കമെന്ന് സഖിയുടെ നെറ്റിയിൽ മുത്തമിടുമ്പോൾ ഇനിയൊരിക്കലും കാണുകയില്ലന്നത് ഓർത്തതുമില്ല അച്ഛന്റെ മാറിൽ ഉറങ്ങുന്ന മക്കൾക്ക് അച്ഛന്റെ ചിതയിൽ അവസാന കൊള്ളിവെക്കാൻ പോലും ആവുകയില്ലന്നും ഓർത്തതേയില്ല കുടിലുയർത്തുമ്പോൾ കരുതിയില്ല കടലെടുക്കുമെന്ന് വള്ളമെടുക്കുമ്പോൾ പറഞ്ഞില്ല പങ്കായവും ആ കൊടുംചതി കിളികളും പൈക്കളും കീടാണു പോലും അറിഞിരുന്നത്രെ മർത്യൻ അവൻ മാത്രമൊന്നും അറിഞ്ഞതില്ല ആരും അവനോട് പറഞ്ഞുമില്ല
